ചില ചെറിയ സംശയങ്ങള്....!!!സ്വതന്ത്ര ഇന്ത്യയിൽ സ്വാതന്ത്ര്യത്തിന്റെ ഗുണഫലങ്ങൾ അനുഭവിക്കുകയും ദുരുപയോഗം ചെയ്യുകയും ചെയ്യുന്നതിൽ മുൻ ഗണന സ്ത്രീകൾക്കാണു..വിശാല മനസ്കരും വിനയാന്വിതരുമായഇന്ത്യയിലെ പുരുഷവർഗ്ഗത്തോട്‌ വെറും ചിറ്റമ്മ നയമാണു ഇന്ത്യൻ നീതിന്യായ വ്യവസ്ഥ കാലങ്ങളായി അനുവർത്തിച്ച്‌ വരുന്നത്‌......ഒരു വീട്ടിൽ ശർക്കര, ഈസ്റ്റ്‌,നവസാരം, ബാറ്ററി തുടങ്ങിയ സാധനങ്ങൾ ഉപയോഗിക്കുന്നതിന്‌ സ്ത്രീകൾക്ക്‌ യാതൊരു വിധ നിയമ തടസവുമില്ല. ശർക്കര അവർക്ക്‌ പായസത്തിലിടാം, ഈസ്റ്റ്‌ ഇട്ട്‌ മാവ്‌ പുളിപ്പിച്ച്‌ ഇഡലിയുണ്ടാക്കാം,ബാറ്ററി അവർക്ക്‌ ടോർച്ചിലിടാം ക്ലോക്കിലിടാം എന്തിനു ടി വി റിമോട്ടിൽ വരെ ഇട്ട്‌ സീരിയലുകൾ വരെ കാണാം.. നോ പ്രോബ്ലംസ്‌...എന്നാൽ ഏതെങ്കിലും വിജ്ഞാന കുതുകിയായ ഒരു പുരുഷൻ ഇത്യാദി സാധനങ്ങൾ ഒരു കലത്തിലിട്ട്‌ നീരാവിയാക്കി കുപ്പിയിൽ നിറച്ച്‌ ദാഹ ശമനിയായി ഉപയോഗിച്ചാൽ അത്‌ എങ്ങനെ നിയമ വിരുദ്ധമാകും. എന്തിനണവനെ വാറ്റുകാരൻ എന്നു മുദ്രകുത്തി അറസ്റ്റ്‌ ചെയ്ത്‌ സമൂഹത്തിൽ നിന്ന് ഒറ്റപ്പെടുത്തുന്നത്‌.....!!!കൽപ്പവൃക്ഷം എന്നറിയപ്പെടുന്ന തെങ്ങിൽ നിന്നും ലഭിക്കുന്ന തേങ്ങ , ചിരട്ട, കോഞ്ഞാട്ട, ചൂട്ട്‌, കൊതുമ്പ്‌ ഓല എന്നിങ്ങനെ എന്ത്‌ സാധനങ്ങളും സ്ത്രീകൾ ദുരുപയോഗം ചെയ്യുന്നതിൽ യാതൊരു വിധ നിയമ തടസവുമില്ലെന്നിരിക്കെ അതിന്റെ മണ്ടയിൽ നിന്നും ഊറ്റിയെടുക്കുന്ന ദ്രാവകം കുടിച്ചു എന്ന പേരിൽ വണ്ടിയിൽ പോകുമ്പോൾ തടഞ്ഞു നിർത്തി പെറ്റിയടിക്കുന്നത്‌ കാടത്തമല്ലെ.. അല്ലേ!( കള്ളൊഴിച്ച്‌ കള്ളപ്പം ഉണ്ടാക്കിയ ഒരു സ്ത്രീയും അറസ്റ്റ്‌ ചെയ്യപ്പെട്ടിട്ടില്ല എന്നു കൂടി ഈ അവസരത്തിൽ ഓർക്കേണ്ടതുണ്ട്‌)സ്ത്രീകൾക്ക്‌ നാട്ടിൽ കിടക്കുന്ന സകലമാന ചുള്ളിയും കൊത്തിയൊടിച്ച്‌തീയെരിക്കാം, കരിയിലകൾ കൂട്ടിയിട്ട്‌ കത്തിക്കാം, ഒരു പ്രശ്നവുമില്ല, എന്നാൽ പാവം പുരുഷന്മാർ ഒരു ചെടിയുടെ ഇല ചുരുട്ടി അതിൽ മറ്റൊരു ചെടിയുടെ ഇല വച്ച്‌ കത്തിച്ചാൽ, അന്തരീക്ഷ മലിനീകരണം ഉണ്ടാവാതിരിക്കാൻ കത്തിക്കുന്നതു മൂലമുണ്ടാകുന്ന പുക സ്വന്തം ശ്വാസകോശത്തിൽ വച്ച്‌ ഫിൽട്ടറു ചെയ്ത്‌ പുറത്ത്‌ വിട്ടാൽ പോലും ഏമാന്മാർ ലാത്തിയും വടിയുമായി വന്ന് ഇരുപതിനായിരം രൂവ വരെ പിഴ ചുമത്തുന്നു, ഇതൊക്കെ എന്ത്‌ ന്യായം, എന്ത്‌ നീതിഈ അവസരത്തിൽ എനിക്ക്‌ ചോദിക്കാനുള്ളത്‌ ഇത്രമാത്രമാണ്‌…" ആരാണ്‌ പുരുഷന്മാരുടെ സ്വപ്നങ്ങൾക്ക്‌മേൽ നിയമത്തിന്റെ വിലക്കുകൾ നിശ്ചയിക്കുന്നത്‌"
No comments:
Post a Comment