താറാവ്

കഴുത്ത് ഞെരിച്ചു കൊല്ലാൻ ഊഴം കാത്തു
നില്ക്കുന്ന താറാവിന്റെ കുഞ്ഞു അമ്മയോട് ചോദിച്ചു .
എന്തിനാണ്
അമ്മെ നമ്മളെ ഇങ്ങനെ കൊന്നു
കത്തിക്കുന്നത് ...?
അമ്മ താറാവ് വിറയോടെ പറഞ്ഞു
ഏതോ ഒരു സ്ഥലത്ത് പക്ഷിപ്പനി പിടിച്ചു കുറെ താറാവുകൾ
ചത്ത് പോയി അത് കൊണ്ടാ ....
അതിനു നമ്മളെയും കൊല്ലണോ ...?
മനുഷ്യർക്ക്
എയിഡ്സും കാൻസറും എബോളയും എല്ലാം വരുന്നില്ലേ .........?
അവരെയൊക്കെ കൊല്ലുന്നുണ്ടോ ......
കുട്ടി താറാവിന് സംശയം തീരുന്നില്ല .......
''അവർ മാത്രമാണ് ഭൂമിയുടെ അവകാശികൾ'' എന്ന ചിന്ത
മനുഷ്യർക്ക് മാത്രമാണ് കുഞ്ഞേ ..............
.ബാക്കി പറയാൻ കാത്തു നില്ക്കാതെ അമ്മ താറാവ്
ആരുടെയോ കയ്യിൽ അമർന്നു............................................