"സ്നേഹം"

തന്റെ ആദ്യ രാത്രിയിൽ മണവാളന്റെ പേഴ്സ് അവൾ വെറുതെ ഒന്ന് തുറന്ന്
നോക്കി.
അതിൽ തന്നെക്കാൾ സുന്ദര്യയായ
ഒരുവളുടെ ഫോട്ടോ. ! അവൾ ഒന്ന് ഞെട്ടിയെങ്കിലും, അത് കണ്ടതായി നടിച്ചില്ല. 

പിറ്റേ ദിവസം ചിലരുടെ പരദൂഷണങ്ങളിൽ നിന്നും അവൾക്ക്
മനസ്സിലായി ഭർത്താവിന്റെ ശക്തമായ മുൻകാല പ്രണയത്തെ കുറിച്ച്.

വീട്ടുകാരുടെ നിർബന്ധത്തിനു വഴങ്ങി, പാവപെട്ടവളെ ഒഴിവാക്കി, ചുറ്റുപാടുള്ള
ഒരു വീട്ടിൽ നിന്നും കെട്ടിയതാ തന്നെയെന്ന്.

അവൾക്ക് വിഷമം തോന്നിയെങ്കിലും അവൾ അതൊന്നും കാര്യമാക്കിയില്ല.

അവൾ നല്ല മനസ്സോടെ അയാളെ സ്നേഹിക്കാൻ തുടങ്ങി. പല വിഷമ ഘട്ടങ്ങളിലും അവൾ പിടിച്ച് നിന്നു.

കാലക്രമേണ അയാളിലെ അവളോടുള്ള അനിഷ്ടങ്ങൾ പതുക്കെ പതുക്കെ മയപെടാൻ തുടങ്ങി.

കുറച്ച് ദിവസങ്ങൾക്ക് ശേഷം അവൾ മുറ്റം തൂത്തുവാരുമ്പോൾ കീറികളഞ്ഞ ഒരു ഫോട്ടോയുടെ തുണ്ടുകൾ അവൾക്ക്
കിട്ടി. അവള്‍ അതൊക്കെ പറുക്കിയെടുത്ത് ചേർത്ത് വെച്ച് നോക്കിയപ്പോള്‍ വിശ്വസിക്കാനായില്ല,
ഭർത്താവിന്റെ പേഴ്സിലുണ്ടായിരുന്ന ഫോട്ടോ. !

അവൾ ഓടി ചെന്ന് ഉറങ്ങി കിടക്കുന്ന
ഭർത്താവിനെ ഉണർത്താതെ അയാളുടെ പേഴ്സ് തുറന്ന് നോക്കി. അവളറിയാതെ അവളുടെ കണ്ണുകള്‍ നിറഞ്ഞു , അതിൽ ആ സുന്ദരിയുടെ ഫോട്ടോക്ക് പകരം തന്റെ കറുത്ത മുഖം. !! 
അവൾ ആ പേഴ്സ് മാറോട് ചേർത്ത് പിടിച്ചു.. 

"സ്നേഹം ഒരിക്കലും തട്ടിപറിച്ച് വാങ്ങാൻ
പറ്റുന്നതല്ല. അത് മനസ്സിൽ അറിഞ്ഞുണ്ടാവേണ്ടതാണ് . സൗന്ദര്യത്തേക്കാൾ നല്ലത് സ്വഭാവഗുണമാണ്."

പിടിച്ചെടുത്ത സ്നേഹം പറിച്ചെടുത്ത പൂ പോലെയാണ് , പെട്ടന്ന് വാടി പോകും.
എന്നാല്‍ അറിഞ്ഞുണ്ടാകുന്ന സ്നേഹം പറിക്കാത്ത പൂ പോലെ പൊഴിഞ്ഞാലും വീണ്ടും പുഷ്പിച്ച് സുഗന്ധം പരത്തും.

· Bєαυтү σƒ Lσvє

visit :-

www.trueandfun.blogspot.in

www.facebook.com/TruenFun