ഒളിച്ചോടാന്‍ വെമ്പുന്ന കമിതാക്കളുടെ പ്രത്യേക ശ്രദ്ധക്ക്...

ഒളിച്ചോടാന്‍ വെമ്പുന്ന കമിതാക്കളുടെ പ്രത്യേക ശ്രദ്ധക്ക്...

1) നിങ്ങള്‍ ഓടിപ്പോകുന്നതിനു മുമ്പ് മാതാപിതാക്കള്‍ക്ക് ഹൃദ്രോഗം,രക്ത സമ്മര്‍ദം, ഷുഗര്‍,ഡിപ്രഷന്‍, അപസ്മാരം ഇതൊന്നുമില്ലെന്ന് നിങ്ങള്‍ ഉറപ്പു വരുത്തുക.

2) മാതാപിതാക്കള്‍ കഷ്ടപ്പെട്ട് സമ്പാദിച്ചു സ്വരൂക്കൂട്ടി വച്ചിരിക്കുന്ന പണം, പണ്ടങ്ങള്‍, വസ്ത്രങ്ങള്‍ കിടപ്പാടത്തിന്റെ പട്ടയങ്ങള്‍ ഇതൊന്നും എടുത്തുകൊണ്ടു പോകാതിരിക്കുക.
3) നിച്ചയിച്ചു ഉറപ്പിച്ച കല്യാണ തലേന്നോ,കല്യാണ രാത്രിയിലോ കല്യാണം നിച്ചയിച്ച ശേഷമോ ഓടിപ്പോകാതിരിക്കുക.

4) നിങ്ങള്‍ക്കൊരു പ്രണയമുണ്ടെങ്കില്‍ അത് തീര്‍ച്ചയായും മാതാപിതാക്കളെ അറിയിക്കുക.
5) നിങ്ങള്ക്ക് മാതാപിതാക്കളോട് പറയാന്‍ മടിയാണെങ്കില്‍ പ്രതിശ്രുതവധു വരനെയോ അറിയിക്കുക.അവര്‍ വേറെ നല്ല ആലോചനകള്‍ നോക്കിക്കോളും,എച്ചില് തിന്നാന്‍ ആരും ഇഷ്ടപ്പെടില്ലല്ലോ...

6) ഓടിപ്പോകുന്നതിനു മുമ്പ് കെട്ടിക്കാനും കെട്ടാനും ഉള്ള സഹോദരങ്ങളുടെ ഭാവിയെക്കുറിച്ച് നന്നായി ആലോചിക്കുക.
7) നിങ്ങളെ ഇക്കാലമത്രയും കാക്കക്കും പൂച്ചക്കും പട്ടിക്കും പീഡനവീരന്മാര്‍ക്കും നല്‍കാതെ ഒരു കുറവും വരുത്താതെ ഭക്ഷണം തന്നും വസ്ത്രം കിടപ്പാടം വിദ്യാഭ്യാസം ,താങ്ങും തണലും തന്നു പെറ്റ് പോറ്റി വളര്‍ത്തിയ മാതാപിതാക്കളെ ഓര്‍ക്കുക.നാളെ തകരാന്‍ പോകുന്ന സഹോദരങ്ങളുടെ അഭിമാനത്തെക്കുറിച്ച് ഓര്‍ക്കുക.

8) വിളിച്ചിറക്കി കൊണ്ട് പോകുന്നവന് സ്ഥിരവരുമാനമുള്ള ജോലിയുണ്ടെന്നു കാമുകി ഉറപ്പു വരുത്തുക.
9) പോറ്റിവളര്‍ത്തിയ മാതാപിതാക്കളെയും സഹോദരങ്ങളെയും വഞ്ചിച്ചു തനിക്കൊപ്പം ഇറങ്ങി വന്ന കാമുകി നാളൊരിക്കല്‍ മറ്റൊരുവനൊപ്പം ഓടിപ്പോകില്ലെന്നു കാമുകന്‍ ഉറപ്പുവരുത്തുക.
10) സ്വജാതിയില്‍ ഉള്ളവരുടെ കൂടെ ഓടിപ്പോകാന്‍ പ്രത്യേകം ശ്രദ്ധിക്കുക.ജാതി മാറ്റം,പേര് മാറ്റല്‍,ഇതിനെല്ലാം പിന്നീട് കുറെ ഓടേണ്ടിവരും.അതില്‍ നിന്നെല്ലാം മുക്തരാകാം.

11) ഓടിപ്പോകുന്നതിനു ഒരു മാസം മുമ്പ് വിവാഹ രജിസ്ട്രാര്‍ക്ക് തങ്ങള്‍ വിവാഹിതരാകാന്‍ പോകുന്നത് കാണിച്ചു അപേക്ഷ കൊടുക്കുക.
12) വനിതാ കമ്മിഷനോ സര്‍ക്കാര്‍ അംഗീകൃത ഏജന്‍സികളോ നടത്തുന്ന പ്രീ മാരേജ് കൌന്സിലിങ്ങില്‍ കമിതാക്കള്‍ തീര്‍ച്ചയായും പങ്കെടുക്കുക.
13) പത്തിലധികം പാസ്പോര്‍ട്ട് സൈസ് ഫോട്ടോകള്‍ കമിതാക്കള്‍ ഓടിപ്പോകും മുമ്പ് തന്നെ എടുത്തു വയ്ക്കുക.പിന്നീട് സമയത്തിന് ഫോട്ടോക്ക് വേണ്ടി കിടന്നോടെണ്ടി വരില്ല.
14) കാമുകിക്ക് പതിനെട്ടു വയസു പൂര്‍ത്തിയായെന്നു കാമുകന്‍ ഉറപ്പിച്ചു മനസ്സിലാക്കി വയ്ക്കുക,അല്ലെങ്കില്‍ മണിയറയില്‍ കിടക്കേണ്ട കാമുകന്റെ കിടപ്പ് പിന്നീട് ജയിലറയില്‍ ആയിരിക്കും.(പെണ്ണിന് പതിനെട്ടു വയസും പുരുഷന് ഇരുപത്തി ഒന്ന് വയസുമാണ് നിയമപ്രകാരം ഉള്ള വിവാഹ പ്രായം )

15) ഓടിപ്പോകും മുമ്പ് കമിതാക്കള്‍ വയസു തെളിയിക്കാനുള്ള രേഖകള്‍ കൈയ്യില്‍ സൂക്ഷിക്കുക.പാസ്പോര്‍ട്ട്,സ്കൂള്‍ സര്‍ട്ടിഫിക്കറ്റ്,ട്രൈവിംഗ് ലൈസന്‍സ്,ജനന സര്‍ട്ടിഫിക്കറ്റ് ഇതിലേതെങ്കിലും ഒന്ന് കൈയ്യില്‍ കരുതുക.
16) ഓടിപ്പോകാന്‍ സഹായിക്കുന്ന കൂട്ടുകാര്‍ പിന്നീട് നിങ്ങളുടെ ദാമ്പത്യ ജീവിതത്തില്‍ നിങ്ങള്‍ക്കുണ്ടാകുന്ന പ്രതിസന്ധികളില്‍ കൂടെയുണ്ടാകില്ല എന്നത് മനസ്സില്‍ ഓര്‍ത്തു വയ്ക്കുക.സിനിമാ താരങ്ങളുടെ ഒളിച്ചോട്ട വിവാഹങ്ങളെ അനുകരിക്കാതിരിക്കുക.

17) ഒരു കുഞ്ഞു ജനിച്ചു കഴിഞ്ഞാല്‍ അപ്പനുമമ്മയും വീട്ടില്‍ വിളിച്ചു കേറ്റും എന്നുള്ള ധാരണ കമിതാക്കള്‍ മുളയിലേ നുള്ളുക.ഇപ്പോഴുള്ള മാതാപിതാക്കള്‍ വളരെ പ്രാക്ടിക്കല്‍ ആണ്.അവര്‍ നിങ്ങള്ക്ക് തരാനുള്ള ഓഹരി ഏതെങ്കിലും അനാഥാലയങ്ങള്‍ക്ക് നല്‍കും.
18) ഓടിപ്പോകും മുമ്പ് അടിസ്ഥാന സൌകര്യങ്ങള്‍ എല്ലാം ഉള്ള നല്ലൊരു വീട്,കുറെ പണം,വീട്ടു സാധനങ്ങള്‍,ഭക്ഷണ പദാര്‍ഥങ്ങള്‍,വസ്ത്രങ്ങള്‍ ഇതെല്ലാം തയ്യാറാക്കി വയ്ക്കുക.
19) തന്നെ വിശ്വസിച്ചു ഇറങ്ങി വന്ന പെണ്ണിനെ കാമുകന്‍ കൈവെടിയാതെ നോക്കുക.
കണ്കണ്ട കാമുകനെ കാമുകിയും വന്ചിക്കാതിരിക്കുക.
20) ഓടിപ്പോകും മുമ്പ് പലവട്ടം നന്നായി ചിന്തിക്കുക...