ആരോടും ഒരു രൂപ പോലും കടം വാങ്ങാതെ ജീവിക്കാനാകുമോ?ലോകത്ത് ഒരാളെക്കൊണ്ടും അതു സാധ്യമാകില്ല എന്നാണോ നിങ്ങൾ പറയാൻ ഭാവിക്കുന്നത് . വരട്ടെ . അനാവശ്യമായ ചെലവുകളുടെ പേരിൽ മറ്റുള്ളവരോട് ഒരു കടബാധ്യതയും വരുത്താതെ സമാധാനപൂർണമായി ജീവിക്കുന്നവർ ധാരാളം പേരുണ്ട് നമുക്കു ചുറ്റും .' ഉള്ളതു കൊണ്ട് ഓണം പോലെ' എന്ന പഴഞ്ചൊല്ല് ഒരുപക്ഷെ , മലയാളത്തിൽ മാത്രമേ കാണുകയുള്ളൂ . അത്തരമൊരു മാനസികാവസ്ഥയുണ്ടെങ്കിൽ നിങ്ങൾക്കു കടങ്ങളുടെ നീരാളിയെ ഭയക്കാതെ ജീവിക്കാം .ഒരു നിശ്ചിത തിയതിക്കു തിരിച്ചു കൊടുക്കാമെന്നു പറഞ്ഞാണല്ലോ നിങ്ങൾ കടം വാങ്ങുക . പക്ഷേ പല കാരണങ്ങളാലും വാക്കു പറഞ്ഞതുപോലെ നിങ്ങൾക്കു പ്രവർത്തിക്കാനാകാതെ പോകുന്നു . ഇ കാരണങ്ങൾ പലതും നിങ്ങൾ സ്വയം വരുത്തി വയ്ക്കുന്നതാകുമെന്നത് വേറെ കാര്യം . ഇങ്ങനെ വാക്കു തെറ്റുന്ന (തെറ്റിക്കുന്ന ) ആദ്യത്തെ പ്രാവശ്യം കടം തന്ന ആളെ അഭിമുഖീകരിക്കാൻനിങ്ങൽക്കു വലിയ വിഷമമായിരിക്കും. പക്ഷേ , എന്തെങ്കിലുമൊരുഒഴിവു കഴിവു പറഞ്ഞ് നിങ്ങൾ മറ്റൊരവധിയിലേക്കു കടബാധ്യത നീക്കിവയ്ക്കാൻ ശ്രമിക്കുന്നു.അയാൽ ചിലപ്പോൾ അതു സമ്മതിക്കുന്നു.പക്ഷേ ഓർക്കുക , തൽക്കാലത്തെ അവധികൊണ്ടു താൽക്കാല ശാന്തി മാത്രമേ ഉണ്ടാവുകയുള്ളൂ . അതു പാലിക്കാൻ പറ്റുന്നില്ലെങ്കിൽ സ്വയം വ്യക്തിത്വം നശിപ്പിക്കുന്ന അവസ്ഥയിൽ എത്തുകയാണ് നിങ്ങൾ . ഒരു തവണ അവധി പറഞ്ഞാൽ അതൊരു ആയിരം അവധി പറച്ചിലായി മാറാൻ കാലതാമസമുണ്ടാകില്ല . ഒടുവിൽ വാക്കു പാലിക്കാത്തവൻ , കടം വാങ്ങിയാൽ തിരിച്ചു തരാത്തവൻ , പറ്റിപ്പുകാരൻ എന്നിങ്ങനെയുള്ളകുറെ ബിരുദം നിങ്ങൾക്കു ചാർത്തിക്കിട്ടുമെന്നല്ലാതെ അതുകൊണ്ട് മറ്റെന്തൊരു ഗുണം .>>കടം വരുന്ന വഴികടം വാങ്ങുന്നതു നിങ്ങളുടെ ഒരു ശീലമായത് എങ്ങനെയാണെന്നറിയാമോ ? ഒന്ന് , നിങ്ങളുടെ ആവശ്യങ്ങൾ ദിനംപ്രതി കൂടിവരികയാണെന്നു നിങ്ങൾ സ്വയം വിശ്വസിക്കുന്നതുകൊണ്ട് . രണ്ട് , അതിനനുസൃതമായി നിങ്ങളുടെ വരുമാനം വർധിക്കാത്തതുകൊണ്ട് .മൂന്ന് , സ്ഥിരമായി കടം തന്നു സഹായിക്കാൻ ചിലരുണ്ടായത്കൊണ്ട് .ഇതിൽ മൂന്നാമത്തെ കാരണമാണ് അപകടകരം . ഏത് അവസ്ഥയിലും നിങ്ങളെ സഹായിക്കുന്ന ചിലരുണ്ടാകും . ഉറ്റബന്ധുക്കൾ , മേലുദ്യോഗസ്ഥർ ,സ്നേഹിതർ , സഹപ്രവര്ത്ത്തകർ, പണം പലിശയ്ക്കു നൽകുന്നവർ അങ്ങനെ ചിലർ . അല്ലെങ്കിൽ ഇതുവരെ അങ്ങനെ കടം വാങ്ങിജീവിക്കാൻ നിങ്ങൾക്കു കഴിയുമായിരുന്നില്ലല്ലോ . ഇ വ്യകതികൾ നിങ്ങളോട് ആത്മാർഥ സ്നേഹമുള്ളവർ തന്നെയാണ് . അതാണ് മുങ്ങുന്ന അവസ്ഥയിലും നിങ്ങൾക്കു ചില്ലറ കടം തന്നു നിങ്ങളെ പിന്നെയും സഹായിക്കുന്നത് .>>കടം തരുന്നവരെ അകറ്റിനിർത്തുകപക്ഷേ ഈ സദുദ്ദെശ്യസഹായംനിങ്ങൾക്കു ഗുണമോ ? ദോഷമോ ? ആലോചിച്ചു നോക്കൂ.നിങ്ങൾ വീട്ടാനുള്ള കടത്തിന്റെ കണക്കിൽ ഒരു തുക കൂടി എഴുതി ചേർക്കാനല്ലേ ഇതുസഹായിക്കുന്നുള്ളൂ ? സഹായത്തിനു നമ്മൾ പലപ്പോഴും കാണാതെ പോകുന്ന ഒരു ഇരുണ്ട വശമുണ്ട് .ഇത്തരം സഹായികൾ പലപ്പോഴും നിങ്ങളിൽ ഒരു ആശ്രിതമാനോഭാവം സൃഷ്ടിക്കുന്നവരാണ് .ഈയൊരു സമവാക്യം പ്രധാനമായും കാണുന്നത് മാതാപിതാക്കളും മക്കളും തമ്മിലാണ് . ചിലപ്പോൾ മുതിർന്നു കഴിഞ്ഞാലും മക്കൾ തങ്ങളുടെ നിയന്ത്രണത്തിൽ നിന്നു വിട്ടുപോകാതിരിക്കാൻ അവരിങ്ങനെയൊരു മാർഗം കണ്ടെത്തുന്നതാവാം . അത്തരം ആശ്രിതവത്സലരെ ഒഴിവാക്കാൻ പഠിക്കണം .ഒരുപക്ഷേ ഈ സഹായികൾ സദുദ്ദേശത്തോടെ ചെയ്യുന്നതാണ് സഹായമെങ്കിൽ പോലും അവരോടു നിങ്ങൾ കടക്കെണിയിൽനിന്നു പുറത്തുവരാൻ ആത്മാർഥമായി ആഗ്രഹിക്കുന്ന കാര്യം പറയുക. ചിലപ്പോൾ അവർക്കു കൃത്യമായ ഉപദേശം നൽകാൻ കഴിഞ്ഞേക്കും .>>ചെലവു -വരവു പട്ടിക തയാറാക്കുകകടം വരുന്നതിന്റെ പ്രധാന കാരണം വരവിനെക്കുറിച്ചും ചെലവിനെക്കുറിച്ചും ചിന്തിക്കാത്തതുകൊണ്ടാണല്ലോ . ഒന്നു ചോദിക്കട്ടെ , നിങ്ങളുടെ കൈവശമുള്ള ഓരോ ചില്ലി പൈസയും എവിടെ പോകുന്നു വെന്നു നിങ്ങൾക്കു വല്ല നിശ്ചയവുമുണ്ടോ ? അത് അറിഞ്ഞാൽ മാത്രമേ നിങ്ങളുടെ ജീവിതത്തിൽ കാര്യമായ എന്തെങ്കിലും വ്യത്യാസം വരുത്തുവാൻ സാധിക്കൂ .അതിനായി ചെലവിന്റെ ഒരു ദൈനംദിന പട്ടിക ഉണ്ടാക്കണം . കഴിഞ്ഞ മാസം പച്ചക്കറി വാങ്ങാൻ എത്ര ചിലവാക്കി , യാത്രയ്ക്കായി ബസ്സിനും ഓട്ടോയ്ക്കും മറ്റും എത്ര കൂലി കൊടുത്തു. സ്വന്തമായി വാഹനമുണ്ടെങ്കിൽഎത്ര രൂപയ്ക്കു പെട്രോൾ വാങ്ങി, തനിച്ചും കുടുംബാംഗങ്ങളുമൊത്തും പുറത്തു പോയി ഭക്ഷണം കഴിക്കാൻ എത്ര രൂപ ചെലവായി എന്നിങ്ങനെയുള്ളവിവരങ്ങളുടെ ഒരു പട്ടിക . ഇതേക്കുറിച്ച് നിങ്ങൾക്കൊരുപക്ഷേ ഒരു ഏകദേശ കണക്ക് അറിയുമായിരിക്കും . അത് പോരാ . രാവിലെ ഒരു അഞ്ഞൂറിന്റെ നോട്ടും കൊണ്ട് ഇറങ്ങിയാൽ വൈകിട്ടു വരുബോൾ കീശകാളി എന്ന മട്ടിലുള്ള പൊതു പ്രസ്താവനകളല്ല വേണ്ടത് . ഈ അഞ്ഞൂറു രൂപ എവിടെ പോയി എന്നു കൃത്യമായി പറയാൻ കഴിയണം .അതിനാണ് ഇങ്ങനെയൊരു നിത്യ ചെലവ് പട്ടിക . നിങ്ങൾ എന്തു ചെലവാക്കിയാലും അത് എഴുതിയിടുക'. ഇതിനായി ഒരു കടലാസും പേനയും കീശയിൽ കരുതുക . ചെക്ക് വഴി കൊടുത്ത തുക വേറെ എഴുതുക . ഇങ്ങനെ ഓരോ ദിവസത്തെയും ചെലവുകൾ കൃത്യമായി എഴുതി വയ്ക്കണം . അതുപോലെ ഒരു പ്രതിവാര ചെലവു പട്ടികയും വരച്ചുണ്ടാക്കാം. പ്രതിവാരപ്പട്ടികയിൽ യാത്ര , പച്ചക്കറി , പലവ്യഞ്ജനം , പത്രം , സിനിമ , ഇന്ധനം , എന്നിങ്ങനെ തലക്കെട്ടുകൾ എഴുതി ചെലവുകൾ രേഖപ്പെടുത്തണം . ഈ ആഴ്ചപ്പട്ടികകൾ ഒരുമിച്ചു ചേർത്ത് ഒടുവിലൊരു മാസപ്പട്ടികയും ഉണ്ടാക്കണം . ഈ പട്ടികയിൽ ചെലവു കോളം കഴിഞ്ഞ് മറ്റൊരു കോളത്തിൽ ഓരോ ദിവസത്തെയും ആഴ്ചയിലേയും മാസത്തെയും യഥാർഥ ചെലവുകൾ കൂടി എഴുതണം. അതായത് ഓരോ ചെലവിനും എതിരെ യഥാർഥത്തിൽ നിങ്ങൾക്കു ചെലവഴിക്കാൻ സാധിക്കുന്ന തുക . ഇതു കൂട്ടി വരുബോൾ നിങ്ങളുടെ മാസവരുമാനം കഴിയാൻ പാടില്ല . ചില സ്ഥലങ്ങളിൽ തുക ചുരുക്കിപ്പിടിച്ച് ഇതു നിങ്ങൾക്ക് സാധിക്കും .ഇപ്പറഞതു കൊണ്ട് നിങ്ങളുടെ വ്യക്തിപരമായ സന്തോഷങ്ങളെല്ലാം ഒഴിവാക്കണമെന്ന്അർഥമില്ല . അവ ചുരുക്കാൻ പറ്റുമെങ്കിൽ അങ്ങനെ ചെയുക . ചെലവു ചുരുക്കി നിങ്ങളുടെ ജീവിതത്തിന്റെ ഉത്കൃഷ്ടത കുറയ്ക്കുകയല്ല ഉദ്ദേശം . കടം വാങ്ങുന്നത് ഒഴിവാക്കുക എന്നതാണ് .>>മനസ്സിന്റെ വഴികൾഇതിനൊക്കെയിടയിലും നിങ്ങൾക്കു ലഭിച്ചിട്ടുള്ള അനുഗ്രഹങ്ങൾ തിരിച്ചറിയാൻ മറക്കരുത് . ഒരു കടലാസ്സിൽ എന്റെ ജീവിതത്തിലെ അനുഗ്രഹങ്ങൾ എന്നെഴുതി അതിനു താഴെ അനുഗ്രഹങ്ങളായി കാണുന്നതെല്ലാം എഴുതുക . അനുഗ്രഹങ്ങളായി ഒന്നുമില്ല എന്ന് പറയരുത് . നിങ്ങൾ ആരോഗ്യവാനല്ലേ , നിങ്ങളുടെ വീടിന്റെ മുറ്റത്ത് കിളി കൂടുവച്ച ഒരു വൃക്ഷമില്ലേ , നിങ്ങൾക്കു പാടാനറിയില്ലേ , സുന്ദരിയായ ഭാര്യയില്ലേ , നിങ്ങളുടെ മകൾക്ക് മെഡിസിന് അഡ്മിഷൻ ലഭിച്ചില്ലെ എന്നിങ്ങനെ എന്തെല്ലാമുണ്ട്എഴുതാൻ ? ഈ അനുഗ്രഹങ്ങളെക്കുറിച്ച് എഴുതി അതിന്റെ പേരിൽ ദൈവത്തോട് നന്ദി പറയുക.ഇതുവരെ പറഞ്ഞ കാര്യങ്ങൾ കൃത്യമായി പാലിക്കുകയാണെങ്കിൽ നിങ്ങൾക്കു കൂടുതൽ കടം ഉണ്ടാകാൻ വഴിയില്ല .പക്ഷേ , പുതിയ കടമില്ലാതായി എന്നുവെച്ചു ധാരാളിത്തത്തിലേക്കു മടങ്ങരുത് . ഇപ്പോഴും പഴയ കടം വീട്ടുവാനും വരുമാനത്തിനുള്ളിൽ ചെലവു നിർത്താനും ശ്രമിക്കണം . അതിന് ഒന്നുകിൽ ചെലവു വീണ്ടും കുറയ്ക്കുക , അല്ലെങ്കിൽ കൂടുതൽ വരുമാനം ഉണ്ടാക്കുക.

visit ::

www.trueandfun.blogspot.in

www.facebook.com/TruenFun