ജ്ഞാനിയും സല്ഗുണ സമ്പന്നനും ദാന ശീലനുമായിരുന്ന വൃദ്ധനായ ഒരു ധനികന് രോഗ ശയ്യയിലായിരുന്നപ്പോള് തന്റെ മകനെ അടുത്തു വിളിച്ചു കൊണ്ട് പറഞ്ഞു :മോനെ ഞാന് ഇനി അധിക കാലം ഉണ്ടാവില്ല, ഞാന് മരിച്ചാല് എന്റെ ശരീരം കുളിപ്പിച്ചുകഴിഞ്ഞ് ഖബറിലേക്കെടുക്കാനായി വെള്ളത്തുണിയില് പൊതിയുന്നതിനു മുന്പ് എന്റെ ഒരു കാലില് എന്റെ ഒരു പഴയ സോക്സ്‌ ധരിപ്പിക്കണം, ഇത് എന്റെ ഒസ്യത്താണ്.അധികം താമസിയാതെ വൃദ്ധന് മരണമടഞ്ഞു. മരണാനന്തര ചടങ്ങുകളില് ബന്ധുക്കളും മിത്രങ്ങളും നാട്ടു പ്രമാണികളുമെല്ലാം പങ്കെടുത്തു. അവസാനം ശരീരം കുളിപ്പിച്ച ശേഷം കഫന് ചെയ്യാന് ( വെള്ള തുണിയില് പൊതിയാന് ) തുടങ്ങുന്ന നേരം മകന് ഒരു സോക്സുമായി വന്നു അത് മയ്യിത്തിന്റെ (മൃത ശരീരത്തിന്റെ )കാലില് ധരിപ്പിക്കാന് ഒരുങ്ങി, ഇത് കണ്ടു അവിടെ കൂടിയിരുന്നവര്തടഞ്ഞു.നിങ്ങള് എന്താണ് ചെയ്യുന്നത് ? മയ്യിത്തിനെ സോക്സ്‌ ധരിപ്പിക്കുകയോ ? അങ്ങിനെ ചെയ്യാന് പാടില്ല.മകന് പറഞ്ഞു : പക്ഷെ ഇത് എന്നോടുള്ള എന്റെ പിതാവിന്റെ ഒസ്യത്തായിരുന്നു. അദ്ദേഹത്തിന്റെ അവസാനത്തെ ആഗ്രഹം. അത് കൊണ്ട് ഇത് ചെയ്യാന് എന്നെ അനുവദിക്കണം.കൂടി നിന്നവരില് നിന്നും എതിര്പ്പിന്റെ ശബ്ദങ്ങള് കൂടുതല് ശക്തമായി ഉയര്ന്നു.എന്ത് വിഡ്ഢിത്തമാണ് നിങ്ങള് പറയുന്നത് , എത്ര വലിയ ആളാണെങ്കിലും ഇങ്ങനെ ഒരു കാര്യം സാധ്യമല്ല, ഒസ്യത്തോ അവസാനത്തെ ആഗ്രഹമോ എന്തുമാവട്ടെ, മത നിയമങ്ങള്ക്ക് എതിരായ ഒരു കാര്യവും ചെയ്യാന് പാടില്ല.മകന് പറഞ്ഞു : ഇത് പക്ഷെ ഞാന് എന്റെ പിതാവിന് വാക്ക് കൊടുത്തതാണ്, എനിക്കിത് ചെയ്തെ തീരൂ..കൂടി നിന്നവരില് നാട്ടു പ്രമാണിയായ ഒരാള് പറഞ്ഞു : കുട്ടീ , നീ ഈ ചെയ്യാന് പോകുന്നത് ശരീയത്തിന് (മത നിയമങ്ങള്ക്ക്)എതിരായ കാര്യമാണ്. ഇങ്ങിനെ ചെയ്‌താല് നല്ലൊരു മത വിശ്വാസിയായിരുന്ന നിന്റെ പിതാവിന് മതാചാര പ്രകാരമുള്ള മരണാനന്തര കര്മ്മങ്ങള് സാധ്യമാവില്ല, സംശയമുണ്ടെങ്കില് മുഫ്തിയെ ( മുഖ്യ പുരോഹിതന് ) വിളിച്ചു ചോദിച്ചു കൊള്ളുക.അങ്ങിനെ മുഫ്തിയും മറ്റു പുരോഹിതന്മാരുമെല്ലാം എത്തി , അവരെല്ലാം ഏക സ്വരത്തില് പറഞ്ഞു. " ഇത് സാധ്യമല്ല, ഇത് മത വിധിക്കെതിരാണ് "ഈ സമയം മരണപ്പെട്ട വൃദ്ധന്റെ ഒരു സുഹൃത്ത് മുന്നോട്ടു വന്നു കൊണ്ട് പറഞ്ഞു :" മരണമടഞ്ഞ എന്റെ സുഹൃത്ത് ഒരു നല്ല മതവിശ്വാസിയായിരുന്നു, അദ്ദേഹം ഇങ്ങനെ ഒരു കാര്യം ഒരിക്കലും ആവശ്യപ്പെടുമെന്ന് ഞാന് വിശ്വസിക്കുന്നില്ല, ഇനി അങ്ങിനെ ആവശ്യപ്പെട്ടിട്ടുന്ടെങ്കില് അതിനു പിന്നില് എന്തെങ്കിലും കാര്യം കാണും. അദ്ദേഹം മരിക്കുന്നതിനു മുന്പ് എന്നെ ഒരു കത്ത് ഏല്പ്പിച്ചിട്ടുണ്ട്, മരണശേഷം അദേഹത്തിന്റെ മകന് നല്കാനായി , ചടങ്ങുകള് എല്ലാം കഴിഞ്ഞു അത് കൊടുക്കാം എന്നായിരുന്നു ഞാന് കരുതിയത്‌, എന്നാല് ഇപ്പോള് എനിക്ക് തോന്നുന്നു ഇപ്പോഴത്തെ ഈ തര്ക്കത്തിന് എന്തെങ്കിലും പരിഹാരം ആകത്തില് കാണുമെന്ന് " ഇത്രയും പറഞ്ഞ് അയാള് കത്ത് മകന് നല്കി, "ഇതാ കത്ത്, വായിച്ചു നോക്കൂ "മകന് വിറയാര്ന്ന കൈകളോടെ കത്ത് തുറന്നു വായിക്കാന് തുടങ്ങി....കത്ത് ഇങ്ങനെയായിരുന്നു..." മകനേ, എന്റെ എല്ലാ സ്വത്തുക്കളെ കുറിച്ചുള്ള വിവരങ്ങളും നിനക്കറിയാമല്ലോ, ഇപ്പോള് ഞാന് അതെല്ലാം നിനക്കായി തന്നു പോവുകയാണ്, നീ കാണുന്നില്ലേ, എന്റെ ഒരുപഴയ സോക്സ്‌ പോലും കൂടെ കൊണ്ട് പോകാന് എന്നെ ആരും അനുവദിക്കുന്നില്ല, ഒരു നാള് നീയും എന്റെ വഴി പിന്തുടര്ന്ന് വരേണ്ടി വരും അന്ന് നിനക്കും മൂന്നു കഷണംവെള്ള തുണിയല്ലാതെ ഒന്നും കൂടെ കൊണ്ട് വരാന് കഴിയില്ല. അതുകൊണ്ട് സ്വയം തയാറെടുക്കുക, ഇങ്ങിനെ ഒരു ദിവസത്തിനായി, ഞാന് നിനക്കായി വിട്ടിട്ടു പോകുന്ന സ്വത്തുക്കള് നിന്റെ സ്വന്തം കാര്യങ്ങള്ക്കായി മാത്രം ചിലവഴിക്കാതെ ലോക നന്മക്കായി കൂടെ വിനിയോഗിക്കുക.,കാരണം അവസാന യാത്രയില് കൂടെ കൊണ്ട് പോകാന് നിനക്കും നിന്റെ കര്മ്മ ഫലങ്ങള് മാത്രമേ കാണൂ...

visit ::

www.trueandfun.blogspot.in

www.facebook.com/TruenFun