ചലച്ചിത്ര അവാർഡ്

014 - ഷോഷ്യാനെറ്റ് ചലച്ചിത്ര അവാർഡ് പ്രഖ്യാപിച്ചു.
ബെസ്റ്റ് ആക്റ്റർ - മമ്മൂട്ടി
മികച്ച അഭിനേതാവ് - മോഹൻലാൽ
മികച്ച നടൻ - സുരേഷ് ഗോപി
മികച്ച ആക്റ്റർ - ദിലീപ്
ബെസ്റ്റ് അഭിനേതാവ് :- പ്രിഥ്വിരാജ്
ബെസ്റ്റ് നടൻ :- ഫഹദ് ഫാസിൽ
ബെസ്റ്റ് ആക്റ്റർ കം മികച്ച അഭിനേതാവ് - കുഞ്ചാക്കോ ബോബൻ
മികച്ച അഭിനേതാവ് കം ബെസ്റ്റ് ആക്ടർ - ബിജു മേനോൻ
ഏറ്റവും മികച്ച നല്ല നടൻ - നിവിൻ പോളി
ഏറ്റവും മികച്ച നല്ല അഭിനേതാവ് :- ആസിഫ് അലി
പ്രത്യേക അറിയിപ്പ് :- ക്ഷമിക്കുക. ബാക്കി അവാർഡുകളൊക്കെ ബൊഫെയ് രീതിയിലാണ് വിതരണം ചെയ്യുന്നത്. നൂറുകണക്കിന് അവാർഡുകൾ മേശയ്ക്കു മുകളിൽ നിരത്തി വയ്ക്കുന്നതാണ്. ആവശ്യമുള്ളവർ , നേരത്തേ തന്നെ അവിടെയെത്തി, മേശയ്ക്കു സമീപത്തിരിക്കുന്ന മാർക്കർ പേന ഉപയോഗിച്ച് അവരോരുടെ പേരുകൾ എഴുതി, ഓരോരോ അവാർഡുകൾ വീതം എടുത്തുകൊള്ളണം എന്ന് സ്നേഹപൂർവ്വം അറിയിച്ചു കൊള്ളുന്നു. ആരും ബഹളം വയ്ക്കരുത്. ശ്രദ്ധിക്കുക , ആളൊന്നിന് ഒരു അവാർഡ് മാത്രം ! കൂടുതൽ അവാർഡുകൾ വേണമെന്നുള്ളവർ, നേരത്തേ പേര് രെജിസ്റ്റർ ചെയ്ത്, കാശ് അടയ്ക്കേണ്ടതാണ്. വീണ്ടും ശ്രദ്ധിക്കുക , ആളൊന്നിന് ഒരു അവാർഡ് മാത്രം !
മറ്റൊരു പ്രത്യേക അറിയിപ്പ് :- അവാർഡ് വിതരണത്തിന് ശേഷം, നാം വർഷാവർഷം നടത്തി വരാറുള്ള "ഷാരൂഖ് പൂജ" നടത്തുന്നതാണ്. പൂജയെത്തുടർന്ന്, അദ്ദേഹം മോഹൻലാലിനെയും, മമ്മൂട്ടിയേയും കുട്ടിക്കാലം മുതലേ ആരാധിക്കുകയും ആദരിക്കുകയും ബഹുമാനിക്കുകയും ചെയ്യുന്ന കഥ പറയുകയും, മലയാളം പറയുകയും, പെണ്‍കുട്ടികളെ പൊക്കിയെടുക്കുകയും ചെയ്യുന്നതാണ്. ഷാരൂഖിന്റെ കൈകളാൽ പൊക്കിയെടുക്കപ്പെടണം എന്ന് ആഗ്രഹമുള്ള, ഭാവശുദ്ധിയുള്ള കേരളസ്ത്രീകൾ, ഒരു ദിവസത്തെ വൃതം നോക്കിയ ശേഷം, ഓഫീസിൽ വന്ന് പേര് രെജിസ്റ്റർ ചെയ്യേണ്ടതാകുന്നു.