കിണർ റീചാര്‍ജ് ചെയ്യൂ ..
അടുത്ത വേനൽ മറക്കുവാൻ വേണ്ടി കിണറുകള്‍ റീചാര്‍ജ് ചെയ്യൂ്.പ്രകൃതിയോടിണങ്ങിയുള്ള കൃഷിരീതികളും നിര്‍മാണ വ്യവസ്ഥകളും നിലനിന്നിരുന്ന കാലത്ത് കിണറുകള്‍ സമൃദ്ധമായിരുന്നു. ഇന്ന് ചെറു വേനലിലും വരളുന്ന കിണറുകള്‍ സാധാരണം. കേരളത്തിന്റെ പ്രകൃതി സവിശേഷതകള്‍ നിമിത്തം ഒരു വര്‍ഷം ഒരു കെട്ടിടത്തിനു മുകളില്‍ പതിക്കുന്ന മഴവെള്ളത്തിന് അത്തരത്തിലുള്ള ഒരു മൂന്നു നില കെട്ടിടത്തെ മുക്കാന്‍ കഴിയുന്ന തരത്തില്‍ ജലം നല്‍കാന്‍ കഴിയുമെന്ന് പഠനങ്ങള്‍ പറയുന്നു.
കിണര്‍ റീ ചാര്‍ജിംഗിനു പിന്നിലെ ശാസ്ത്രവും ഇതാണ്. വീടിനു മുകളില്‍ പതിക്കുന്ന മഴവെള്ളത്തെ പിവിസി പാത്തികള്‍ വഴി ശേഖരിച്ച് കിണറിനടുത്തു നിര്‍മിച്ചിട്ടുള്ള 75 സെന്റീമീറ്റര്‍ ആഴമുള്ളതും 60 സെന്റീമീറ്റര്‍ വ്യാസമുള്ളതുമായ കുഴിയില്‍ ശേഖരിക്കുന്നു. കുഴിയുടെ അടിവശം കോണ്‍ക്രീറ്റ് ചെയ്തിട്ടുള്ളതും വശങ്ങള്‍ കോണ്‍ക്രീറ്റ് റിംഗ് വഴി സംരക്ഷിച്ചിട്ടുള്ളതുമായിരിക്കും. ഈ 'ചാര്‍ജിംഗ് പിറ്റില്‍' ഏറ്റവും അടി ഭാഗത്തു നിന്നായി മേച്ചില്‍ ഓടിന്‍ കഷണം, ഒന്നര ഇഞ്ച് മെറ്റല്‍, മുക്കാല്‍ ഇഞ്ച് മെറ്റല്‍, കാല്‍ ഇഞ്ച് മെറ്റല്‍, ഗ്രാവല്‍, മണല്‍, ഏറ്റവും മുകളിലായി ചിരട്ടക്കരി എന്നിവയിട്ട് നിറച്ചിട്ടുണ്ടാകും. ഈ അരിപ്പയിലൂടെ ശുദ്ധീകരിക്കപ്പെടുന്ന മഴവെള്ളം ചെറു പൈപ്പുവഴി കിണറിനുള്ളില്‍ എത്തിക്കുക വഴി വേനല്‍ക്കാല കിണര്‍ ജലത്തിന്റെ വറുതി പൂര്‍ണമായും പരിഹരിക്കാം. ഒരു യൂണിറ്റ് നിര്‍മിക്കുന്നതിന് 10000 രൂപ ചെലവാകും. ഇതിന്റെ 90 ശതമാനം നീര്‍ത്തട വികസന പദ്ധതി പ്രകാരം സബ്സിഡിയായി ലഭിക്കും.
visit ::
Message from whatsapp broadcast ® ««««^»»»»»
No comments:
Post a Comment