പൂച്ച

ഭാര്യ ഓമനിച്ചു വളർത്തുന്ന പൂച്ചയെ അയാൾ വല്ലാതെ വെറുത്തിരുന്നു. ഒരു നാൾ അയാൾ അതിനെ ഒരു ചാക്കിലാക്കി കാറോടിച്ച് വീട്ടിൽനിന്നും ഇരുപതു ബ്ലോക്ക് അപ്പുറത്തുള്ള പാർക്കിൽ കൊണ്ടു വിട്ടു . തിരിച്ചു വീട്ടിൽ വന്നപ്പോഴുണ്ട് പൂച്ച വീട്ടിലെ ഊണുമേശയിലിരുന്നു ചിറി നക്കുന്നു !
പിറ്റേ ദിവസം അയാൾ നാല്പത് ബ്ലോക്കുകൾക്കപ്പുറത്ത് പൂച്ചയെ ഇറക്കി വിട്ടു. മടങ്ങി കാറ് പോർച്ചിൽ കയറ്റി ഗേറ്റ് അടക്കാൻ തിരിഞ്ഞപ്പോഴേക്കും പൂച്ച മുന്നിൽ ! "മ്യാവ്‌.... മ്യാവ് ."
പഠിച്ച പണി പതിനെട്ടും നോക്കി . പക്ഷെ അപ്പോഴൊക്കെ പൂച്ച അയാളെ തോൽപ്പിച്ചു .
"ആങ്ങ്ഹ ! എന്നോടാ കളി ? കാണിച്ചു തരാം!"
പത്തൊമ്പതാമത്തെ അടവ് പുറത്തെടുക്കാൻ തന്നെ അയാൾ തീരുമാനിച്ചു. ഇത്തവണ അയാൾ നാഴികകളോളം വണ്ടിയോടിച്ചു പോയി. പിന്നെ വലിയൊരു പാലം കടന്നു വലത്തോട്ടും ഇടത്തോട്ടുമായി അഞ്ചു പത്തു വഴികൾ തിരിഞ്ഞ്‌ വളരെ സുരക്ഷിതമെന്നു ഉറപ്പിച്ച ഒരു സ്ഥലത്തെ കാട്ടു പൊന്തയിൽ പൂച്ചയെ ഉപേക്ഷിച്ചു മടങ്ങി.
മണിക്കൂറുകൾക്കു ശേഷം അയാൾ മൊബൈലിൽ ഭാര്യയെ വിളിച്ചു .
"ആനീ ! പൂച്ച അവിടെയുണ്ടോ ?."
"ഉണ്ടല്ലോ ജോണ്‍ !. എന്തേ ചോദിച്ചത് ?" ഭാര്യ .
" ഒന്നൂല്ല്യ. ആ ഫോണൊന്നു കൊടുക്ക് !. എനിക്ക് വഴി തെറ്റി."😃😃😃😃